திணை, பால், எண், இடம் பற்றி அறிதல்

 திணை, பால், எண், இடம்

பற்றி அறிதல்

திணை

திணை - ஒழுக்கம் அல்லது இனம் என்று பொருள்.

* திணை இரண்டு வகைப்படும் . அவை உயர்திணை, அஃறிணை

உயர்திணை:

       உயர்ந்த ஒழுக்கமுடைய ஆறறிவுடைய மக்களைக் குறிப்பது உயர்திணை எனப்படும். தேவர், மக்கள், நரகர் உயர்திணையில் அடங்குவர். இவர்கள் மற்ற உயிர்களை விட நன்மை தீமைகளைப் பிரித்தறியும் ஆற்றல் நிறைந்தவர்கள்.


உயர்திணை என்மனார் மக்கட் சுட்டே
அஃறிணை என்மனார் அவரல பிறவே"
                                   தொல் (சொல் - 1)

"மக்கள் தேவர் நரகர் உயர்திணை,
மற்று உயிர் உள்ளவும் இல்லவும் அஃறிணை"

                                          - நன்னூல் (261)

அஃறிணை :

         அல் + திணை = அஃறிணை. உயர்வு அல்லாத ஒழுக்கம் உடையவை என்று பொருள். தேவர், நரகர், மக்கள் அல்லாத மற்றைய உயிருள்ளவை, உயிரில்லாத பொருள்கள் அனைத்தும் அஃறிணை
எனப்படும்.

சான்று:

 ஆடு, குதிரை, வீடு, மரம்,, தாமரை மலர் , கரும்பலகை, நாற்காலி.


பால் :

பால் என்பதற்குப் பகுப்பு அல்லது பிரிவு என்பது பொருள்.


 பால் என்பது திணையின் உட்பிரிவு ஆகும்.

இஃது ஐந்து வகைப்படும். அவை ஆண்பால், பெண்பால், பலர்பால், ஒன்றன்பால், பலவின்பால்ஆகியனவாகும்.

உயர்திணைக்குரிய பால் பகுப்புகள் : மூன்று

* ஆண்பால் - உயர்திணைப் பொருள்களில் ஆண்களைக் குறிப்பது.
சான்று :  ராமன், சரவணன், முருகன்.தலைவன்.

* பெண்பால் - உயர்திணைப் பொருள்களில் பெண்களைக் குறிப்பது.
சான்று :  வள்ளி, சீதா, குமாரி, தலைவி, தோழி.

- பலர்பால் - உயர்திணையில் உள்ள ஆண், பெண்களில் பலரைக் குறிப்பது.
சான்று:  மக்கள், தலைவர், இளைஞர் கள், 

அஃறிணைக்குரிய பால் பகுப்புகள் : இரண்டு

ஒன்றன்பால் - அஃறிணைப் பொருள்களில் ஏதேனும் ஒன்றைக் குறிப்பது.
சான்று: கல், மரம் யானை, புறா, மலை

 பலவின் பால் - அஃறிணைப் பொருள்களில் பலவற்றைக் குறிப்பது.
சான்று: அவை, வீடுகள், பசுக்கள், மலைகள், மாடுகள்.



எண்:

      பொருள்களின் எண்ணிக்கையைக் குறிப்பது எண் எனப்படும். எண் இரண்டு வகைப்படும்.

அவை 1. ஒருமை     2. பன்மை

(i) ஒருமை :

        ஏதேனும் ஒரு பொருளைக் குறிப்பது ஒருமை எனப்படும்.

ஒருமைக்குரிய பால்கள் - மூன்று.
* ஆண்பால் -  குமரன் ,  கலைவாணன் அவன்.

* பெண்பால் -  அவள் , தலைவி,  வாணி 

* ஒன்றன்பால் - மாடு, கோழி, மலை 



(ii) பன்மை:

    பொருட்களில் பலவற்றைக் குறிப்பது பன்மை எனப்படும்.

பன்மைக்குரிய பால்கள் - இரண்டு.

* பலர்பால் - ஆண்கள், பெண்கள், அவர்கள்.

* பலவின்பால் - மாடுகள், பறவைகள், அவை



இடம் :

நாம் உரையாடும் போது பேசுகின்ற நாமும், கேட்கின்றவர்களும், பேசப்படும் பொருளும் என்று மூன்று நிலைகள் உள்ளன. இதையே இடம் என்று குறிப்பிடுவர்.

இஃது மூன்று வகைப்படும். அவை,

* தன்மை
* முன்னிலை
* படர்க்கை

1. தன்மை - பேசுபவர் தன்னைக் குறிப்பது.

2. முன்னிலை - முன்னால் இருப்பவரைக் குறிப்பது.

3. படர்க்கை - தன்மையும் முன்னிலையும் அல்லாத பிறர் அல்லது பிற பொருளைக் குறிப்பது.

Comments

Post a Comment

Popular posts from this blog

நாலடியார் சுற்றம் தழால்

                              நாலடியார்  21. சுற்றம் தழால் பாடல் 201 வயாவும் வருத்தமும் ஈன்றக்கால் நோவும் கவாஅன் மகற்கண்டு தாய்மறந் தா அங்கு அசாஅத்தான் உற்ற வருத்தம் உசாஅத்தன் கேளிரைக் காணக் கெடும். கருவுற்றதனால் அதுபற்றி வரும் கணக்கற்ற நோவும் மசக்கையும் குழந்தை பெறுங்காலத்தய நோவும் கண்ணால் தம்மடியில் குழந்தையைக் கண்ட தாய் மறப்பதுபோல் தாம் கொண்ட தளர்ச்சியாலுற்ற துன்பமெலாம் கனிவுடன்விசாரிக்கும் சுற்றத்தாரைக் காணின் நீங்கும். பாடல் 202 அழன்மண்டு போழ்தின் அடைந்தவர்கட் கெல்லாம் நிழன்மரம்போல் நேரொப்பத் தாங்கிப் – பழு மரம்போல் பல்லார் பயன்துய்ப்பத் தான் வருந்தி வாழ்வதே நல்லாண் மகற்குக் கடன். வெப்பம் மிகு கோடையில் வந்தடைந்தோருக்கெல்லாம் நிழல்தரும் மரம்போல் தம்மை நெருங்கிய சுற்றத்தாரையெல்லாம் தாங்கி ஒரே தன்மையாய்க் காத்து தான் வருந்தி உழைத்து பழுத்தமரம் போல் பலரும் பயன்நுகர வாழ்வதே நல்ல ஆண்மகனின் கடமையாம். பாடல் 203 அடுக்கல் மலைநாட! தன்சேர்ந் தவரை எடுக்கலம் என்னார்பெரியோர் ; –  அடுத்தடுத்து வன்காய் பலபல காய்ப்ப...
Read more

நாச்சியார் திருமொழி

           நாச்சியார் திருமொழி நாச்சியார் திருமொழி என்னும் நூல் வைணவ ஆழ்வார்களுள் ஒருவராகிய ஆண்டாளால் பாடப்பட்டது. வைணவ நூல்களின் தொகுப்பு ஆன நாலாயிரத் திவ்வியப் பிரபந்தத்தின் ஒரு பகுதியாகிய இந் நூல், அத் தொகுப்பில் 504 தொடக்கம் 646 வரையான பாடல்களாக இடம் பெறுகின்றது. 143 பாடல்களைக் கொண்ட இந்நூல், கண்ணனைத் தனது நாயகனாகக் கொண்டு அவனை அடையத் துடிக்கும் ஆண்டாளின் தவிப்பை எடுத்துக் காட்டுகின்றது. பாடல்கள் அனைத்திலும் காதல் சுவை மேலோங்கி இருப்பதைக் காணலாம். 556: வாரண மாயிரம் சூழவ லம்செய்து, நாரண நம்பி நடக்கின்றா னென்றெதிர், பூரண பொற்குடம் வைத்துப் புறமெங்கும், தோரணம் நாட்டக் கனாக்கண்டேன் தோழீநான். (2) 1 கல்யாண குணங்கள் நிறைந்த ஸ்ரீமந்நாராயணன், ஆயிரம் யானைகள் புடைசூழ, ஊர்வலமாக வருவதால், எதிரே பொன் மயமான பூரண கும்பங்கள் வைத்து, நகர் முழுவதும் தோரணங்கள் நாட்டியிருப்பதாக நான் கனவு கண்டேன் தோழியே! 557: நாளைவ துவைம ணமென்று நாளிட்டு, பாளை கமுகு பரிசுடைப் பந்தற்கீழ், கோளரி மாதவன் கோவிந்த னென்பான்,ஓர் காளைபு குதக்க னாக்கண்டேன் தோழீநான். 2 நாளைக்குத் திருமண முகூர்த்தம் என்...
Read more

பட்டினத்தார், பாம்பாட்டி சித்தர்

  பாம்பாட்டி சித்தர் என்பவர் பதினெண் சித்தர்களுள் ஒருவராவார். பாம்புகளை கையாளுவதில் திறன் கொண்டவர் என்பதால் பாம்பாட்டிச் சித்தர் என்று பெயர் பெற்றதாகக் கூறுவர். யோக நெறியில் குண்டலினி என்பதை பாம்பு என்ற குறியீட்டால் குறிப்பிடுவதால், குண்டலினி யோகத்தில் சிறந்தவர் என்பதால் இப்பெயர் பெற்றிருக்கலாம் என்ற கருத்து உள்ளது. பொருளாசை விடுமாறு நிலையாமை குறித்து பத்து பாடல்கள் பாடியுள்ளார்.        நாடுநகர் வீடுமாடு நற்பொறு ளெல்லாம்     நடுவன் வரும்பொழுது நாடி வருமோ     கூடுபோன பின்புவற்றால் கொள்பய னென்னோ     கூத்தன் பதங் குறித்து நின் றாடாய் பாம்பே (40)        நாடு நகர் வீடு மாடு சிறந்தவை அனைத்தும் சாகும்போது நம்மோடு வருவதில்லை வாராத அனைத்தையும் எண்ணாமல் கூத்தாடும் இறைவனின் திருவடியை எண்ணி ஆடு பாம்பே எனக் கூறுகிறார் சித்தர் நீரிலெலும் நீர்க்குமிழி நிலைகெ டல்போல் நில்லாதுடல் நீங்கிவிடும் நிச்சய மென்றே பாரிற் பல உயிர்களைப் படைத்த வந்தனைப் பற்றவேநீ பற்றித்தொடர்ந் தாடாய் பாம்பே (64) நீர்க்குமிழி போல் நீரோடு நீராக இந்த உடலும் நி...
Read more